Rom 14 | ENQ | STEP | Gote lao masoo minokondape napingi endakali mende katatamo doko nyakamame lanyepala nyakamanya kambu dokonya konda pyepape. Dopaka doko, wakale wakale masingi dokonya nyakamame baa pii yanda pimaiya nayalapape.

a14:1Lo 15:7; 1 Te 5:14

b14:1-61 Ko 8, 10:14-33; Kl 2:16-23

c14:2Jen 1:29, 9:3

d14:4Mt 7:1; Je 4:11-12

e14:5Ga 4:10-11

f14:7Lo 6:10-11; 2 Ko 5:5

g14:8Lu 20:38; Ga 2:20; Pl 1:20; 1 Te 5:10

h14:9Ap 10:42; 2 Ko 5:15

i14:10Mt 25:31-32; Ap 17:31; Lo 2:6; 2 Ko 5:10

j14:11Ais 45:23; Pl 2:10-11

k14:12Ga 6:5

l14:13Mt 7:1

m14:14Mt 15:1-20; Ap 10:15; 1 Ti 4:4; Ta 1:15

n14:15Lo 14:20; 1 Ko 8:10-13, 13:1

o14:161 Ko 8:8, 10:30; Ta 2:5

p14:17Ga 5:22; 1 Te 1:6

q14:19Mk 9:50; Lo 12:17-18, 15:2; 1 Te 5:11

r14:20Lo 14:15; 1 Ko 8:9-12; Ta 1:15

s14:211 Ko 8:13, 10:24

t14:22Lo 2:1

u14:231 Ko 8:7; Ta 1:15

Romans 14

Kaiminingi mendeme kopeta pilyamona lao yapala nayapena leamo doko

1 Gote ^{a
,} ^b lao masoo minokondape napingi endakali mende katatamo doko nyakamame lanyepala nyakamanya kambu dokonya konda pyepape. Dopaka doko, wakale wakale masingi dokonya nyakamame baa pii yanda pimaiya nayalapape. 2 Endakali ^c mendeme Gote lao masoo minatala nee tata dupa pitaka napengena lao nenge. Dopaka doko, masoo minokondape napingi endakali dokome dopa lao masala naenya nee tata mendapua iki nenge. 3 Nee tata dupa pitaka nenge endakali dokome nee tata mendapua iki nenge endakali doko kilya kanja nayapenge. Dee nee tata mendapua iki nenge endakali dokome nee tata pitaka nenge endakali dokome kopeta pilyamona lao yapala nayapengeaka. Doko aipuma? Goteme dolapo lapota lanyia. 4 Embame ^d akali waka mendenya kendemane mendeme dopa pilyamo dapa pilyamo lao yapao kalyeno doko emba angi akali apipi? Baa kyoto joo katatamopi isa pyakatamopi doko baanya akali andake dokonya kalai. Dee baa kini kyoto joo katata. Doko Kamongome baa kapa pao kyoto injisepenge.

5 Endakali ^e mendeme yuu gii waka dupa yuu gii mendai mendeme ita miningina lao masingi. Dee endakali mendeme yuu gii dupa pitaka mendai dopaleakana lao masingi. Endakali mendai mendai lao dokome mana minatamo doko tangenya moname kapana lao masokondape pipenge. 6 Yuu gii mendai mende andakena lao masilyamo endakali dokome Kamongo lao lalyoo dopa lao masingi. Dee nee tata dupa pitaka nelyamo endakali dokome Kamongo lao lalyoo nenge. Doko baame Gote lao yaka pilino lao nenge. Nee tata mendapua iki nelyamo endakali dokome Kamongo doko lao lalyoo nenge. Dopa pilyamo endakali dokome apata Gote lao yaka pilino lengeaka. 7 Doko, ^f naima kalyamano doko naimanya endakali mendaipi mende naima tangenya lao nakatenge. Dee kumilyamano doko naimanya endakali mendaipi mende naima tangenya lao kumala naenge. 8 Naima ^g kalyamano kandao doko, Kamongonya katakamaingi. Kumilyamano kandao doko, Kamongonya kumakamaingi. Dopana, naima kalyamanopi kumilyamanopi doko Kamongonyaka. 9 Doko, ^h Kataisame endakali kumapaepi sakapi dupa isoo kalyanya baa kumapala dee lenge tao sakatea.

10 Dopana, ⁱ akali embame aipuma embanya endakali yango doko-kisa koo silyamona lao baa yapao kalyepe? Dee akali embame aipuma embanya endakali yango doko kilya kandelepe? Naima pitaka Goteme yapena lao baanya enomba dokonya katatama. 11 Doko, ^j pii pepa pyapae singi dokonya,

“Kamongo dokome, ‘Namba kiningi kalyoli pyoo kiningi eteteaka endakali dupa pitakame namba lao luma lakapala namba Gotena lao lao panatamina,’ lelyamona,” lapae silyamo.
12 Dopana, ^k naima pitaka mendai mendai lawame naima tangenya mana minatamano dupa dopa pyoo miniamana lao Gote lamaitama.

Kaiminingi mende lombasala nayapena leamo doko

13 Dokonya ^l naimame naimanya mendeme kopetea pilyamona lao deaka mende yapa yapa napimana. Dopa napinya, kaiminingi mende lomabsowapi koo pina lao mapisowapi napimana lao yapao masoo katamana. 14 Nambame ^m Kamongo Jisasapa pakatae katao masalakao masoo lelyona, opale mendaipi mende koyapae daa. Dopaka doko, koyapaena lao masetamo endakali doko-kisa koyapae jeta. 15 Embame ⁿ nee nele dokonya embanya kaiminingi doko mona kenda kaenge tamo kandao doko, auu kayamaingi mana doko yakinatatenosa pita. Embame nee nate dokome Kataisame alo pyoo kumiamo endakali doko koyasala nayape. 16 Nyakamame ^o mana kapa pao minapengena lao masingi dupanya endakali mendeme pii koo lapenge jia kandeno doko, naminalapape. 17 Doko, ^p neepi endakalipi mendapua nengepi nanengepi doko Goteme isingi dokonya mende daa. Oli Sipitisame tolatae joo katasingipi, mona lyuu lao katasingipi, mona yaepao katasingipi, dupa Goteme isingi dokonya lamo. 18 Mana dopale dupa minao Kataisanya kendemane joo katenge doko Goteme auu kaenge. Dee endakali dupame baa epena lao masingimaka.

19 Dopana, ^q mona setao kalyepale lawapi mende pupu lasa lasa pyoo kalyepale lawapi sakatasingi mana dupa naimame kyoto joo watao minao katamana. 20 Embame ^r nee napenge dupa lao masetala Goteme kalai pilyamo doko minao koyasala nayape. Nee tata dupa pitaka napenge epe. Epeaka doko, nee nateno dokome endakali mende minao lombasepenge jetamopa nawaka pateno doko koo. 21 Embame ^s mena nanao endaki waene nanao dee embanya kaiminingi mende lombasepenge mana waka mende naminao pitino doko epe. 22 Embame ^t doko kapana doko kapa daana lao maseteno doko Gotenya enomba dokonya embanya mona andaka masoo katape. Endakali mendeme opale mende kapana lao masetala pitamopa baanya moname kopeta pilyamona lao baa-kisa tenge setala nayatamo endakali doko mona yaepasetae. 23 Dopaka ^u doko, endakali mendeme mona lapo palyoo nee natamo doko-kisa Goteme pii setata. Doko, baame kapana lao masokondape napyoo natamo dokonya dopa pita. Opale mende kapape kapa daape lao masokondape napyoo pingi doko koo.